Sushil Kumar Bhoi.
![Image](https://lh3.googleusercontent.com/-inHUytGQxzo/X4wyNqLElUI/AAAAAAAAE2A/nnebOdxTY4AGaN-2W1iMAe86vGf-F_eywCLcBGAsYHQ/s1600/1603023410272437-0.png)
ଥୋମାସ୍ ଏଡିସନ୍ ପ୍ରାଥମିକ ବିଦ୍ୟାଳୟ ଶିକ୍ଷା ସୁଦ୍ଧା ନ ପାଇ ମହାନ୍ ଉଦ୍ଭାବକ ହୋଇପାରିଥିବା ବିସ୍ମୟଜନକ ପ୍ରତିଭାଧାରୀଙ୍କ ମଧ୍ୟରେ ଥୋମାସ୍ ଆଲ୍ଭା ଏଡିସନ୍ ଅନ୍ୟତମ। ତାଙ୍କ ନାମରେ କେବଳ ଯୁକ୍ତରାଷ୍ଟ୍ର ଆମେରିକାରେ ୧୦୯୩ଟି ପେଟେଣ୍ଟ୍ ରହିଛି। ଇଲେକ୍ଟ୍ରିକ୍ ବଲ୍ବ, ଫୋନୋଗ୍ରାଫ୍, ମୋସନ୍ ପିକ୍ଚର୍ କ୍ୟାମେରା ଆଦି ତାଙ୍କ ଦ୍ବାରା ବିକଶିତ ହୋଇଥିଲା। ତାଙ୍କୁ ‘ଶିଳ୍ପ ଗବେଷଣା ପରୀକ୍ଷାଗାରର ଜନକ’ କହାଯାଏ। କାରଣ ତାଙ୍କ ପୂର୍ବରୁ ଅନ୍ୟ କେହି ଶିଳ୍ପର ବିକାଶ ପାଇଁ ଗବେଷଣାଗାର ପ୍ରତିଷ୍ଠା କରି ନ ଥିଲେ। ଏଡିସନ୍ଙ୍କ ପୂର୍ବଜ ଡଚ୍ ଥିଲେ। ତାଙ୍କ ପିତା କାନାଡାରେ ରହୁଥିଲେ। ମ୍ୟାକେନ୍ଜି ବିପ୍ଳବରେ ଅ˚ଶଗ୍ରହଣ କରି ସେ ଦେଶତ୍ୟାଗ କରିବାକୁ ବାଧ୍ୟ ହୋଇଥିଲେ ଏବ˚ ଆମେରିକା ଆସି ବିବାହ ଓ ଘର-ସ˚ସାର କରିଥିଲେ। ଏଡିସନ୍ ଶୈଶବରେ ରେଳରେ ବୁଲି ଚକ୍ଲେଟ୍, ଫଳ-ମୂଳ ଓ ଖବରକାଗଜ ବିକୁଥିଲେ। ସେ ଗ୍ରାଣ୍ତ୍ ଟ୍ରଙ୍କ୍ ରେଲ୍ରୋଡ୍ରେ ଚଳାଚଳ କରୁଥିବା ଏକ ରେଳ ଡବାରେ, ଛାପାକଳ ସ୍ଥାପନ କରି ନିଜର ଖବରକାଗଜର ପ୍ରକାଶନ ଆରମ୍ଭ କରିଥିଲେ। ସେତେ ବେଳେ ତାଙ୍କ ବୟସ ମାତ୍ର ପନ୍ଦର। ଚାରି ଜଣ ସହଯୋଗୀଙ୍କ ସହ ସେ ନିଜେ ଖବର ସ˚ଗ୍ରହ କରୁଥିଲେ; ସ˚ପାଦନା, ମୁଦ୍ରଣ, ବିତରଣ ଦାୟିତ୍ବ ମଧ୍ୟ ତୁଲାଉଥିଲେ। ରେଳରେ ଖବରକାଗଜ ବିକିବା ପାଇଁ କେବଳ ତାଙ୍କୁ ଅନୁମତି ମିଳିଥିଲା। ରେଳ ଡବାରେ ସେ ନାନା ପରୀକ୍ଷା-ନିରୀକ୍ଷା କରୁଥିଲେ